Nagpagwa sang bag-o nga alegasyon ang pila ka anay bodyguards ni former Ako Bicol Party-list Rep. Zaldy Co nga ginhingadlan ang pila ka mga opisyal sang gobyerno kag mga personalidad sa media nga ginaalegar nakabaton sang kwarta gikan sa anay kongresista.
Sa press conference, ginpakilala ni Atty. Levi Baligod ang apat ka bag-o nga testigo, suno sa isa sa ila, nakasaksi sila sang pagdul-ong sang mga maleta nga may unod nga kwarta para kanday House Speaker Martin Romualdez kag Senator Erwin Tulfo.
Nalakip man sa ginhingadlan si COMELEC Chairperson George Garcia, apang gilayon ini ginpanginwala sang opisyal.
Nagpakita man ang mga testigo sang mga litrato nga kaupod ang pila ka personalidad, apang wala sila naghatag sang klaro nga ebidensya ukon detalye kun ano ang kaangtanan sini sa alegasyon.
Gilayon naman nga ginpanginwala ni Sharon Cuneta ang alegasyon batok sa ila kag ginpahayag nga ini kabutigan lamang.
Si TV host Arnold Clavio kag columnist Mon Tulfo man ang ginhingadlan, apang pareho nila ini ginreklamo kag ginpanginwala.
