Wala ginpalagpas sang Gabriela Women’s Party ang pahayag ni Senator Robin Padilla na dapat pagserbihan sang mga babae ang ila nga mister kag indi dapat pagbalibaran ang hirit nga pakighilawas.
Pahanumdom ni Gabriela Partylist Rep. Arlene Brosas kay Padilla, indi dapat pagpiliton sang mga lalaki ang ila misis nga nagapamalibad makihilawas bangud ang mga kababainhan ang indi dapat ikabig nga sexual objects.
Para kay Brosas, nakabahala ang pahayag ni Padilla kaangut sa marital rights kag isa ini ka pamatuod nga dapat amyendahan ang Anti-Rape Law.
Sa ginfile nga House Bill 401 sang Gabriela padalman ang buot singhanon sang rape ukon pagpanghimulos, ini ang tinutuyong maproteksyunan ang kinamatarong sang mga misis batuk sa pagpanghimulos ukon pagpang-abuso kag anuman nga kahimuan sang ila mga mister.
