Mga Pinoy nga pilason sa airstrike sang Iran sa Israel naglab-ot na sa 6; 1 kritikal – OWWA

Naglab-ot na sa anum ka mga Pinoy ang napilasan sa nagapadayon nga Iranian missile strikes sa Israel.

Suno sa Overseas Workers Welfare Administration (OWWA), apat na ka mga Pinoy ang nakaguwa na sa ospital.

Samtang ang isa nagapaayo pa sa ospital.

Yara naman sa kritikal nga kondisyon ang isa ka Pinoy caregiver matapos nabungguan sang mga debris halin sa isa ka building nga naigo sang air strike.

Padayon ang koordinasyon sang OWWA sa Department of Migrant Workers sa mga napilasan nga Pinoy.