Mga show ni Kelly Clarkson sa Las Vegas, temporaryo nga gin-postpone

Nagdesisyon ang singer nga si Kelly Clarkson nga i-postpone ang iya mga pasundayag sa Las Vegas.

Ini bangud sa pagmasakit sang iya anay bana nga si Brandon Blackstock.

Sa iya social media account, ginpahayag sini nga kinahanglan siya sang iya pamilya bangud nagamasakit ang amay sang iya mga kabataan.

Wala niya ginsambit kun ano nga sahi sang balatian ang gina-eksperyensyahan sang iya anay bana.

Ang duha ang nagpakasal halin 2013 tubtob 2022 antes sila nagbulagay sa diin may yara sila sang duha ka kabataan nga sanday River, 10-anyos kag Remington, 8-anyos.