Nabaton na sang mga tiglawas sang Western Visayas ang tig-P200,000 sa idalom sang Bawat Barangay Makikinabang Program, lakip na ang Iloilo City, Aklan, Antique, Capiz kag Guimaras.
Ginpangunahan ni Capiz Governor Fredenil H. Castro kaupod si Liga ng mga Barangay President Nico Yap ang pagbaton sang tseke para sa mga barangay sang Capiz sa idalom sang Bawat Barangay Makikinabang Program.
Sa amu nga programa, ang tagsa ka benepisyaryo nga barangay sa probinsya makabaton sang P200,000 nga pondo nga gamiton para sa mga proyekto kag programa nga makabulig sa komunidad.
Ang distribusyon sang pondo kabahin sang inisyatibo sang national government nga mas mapalapit pa ang mga serbisyo kag bulig sa mga barangay.
Ginpahayag man ang pagpasalamat sa administrasyon ni President Ferdinand Marcos Jr. kag sa mga opisyal nga nangin instrumento sa pagpatuman sang programa nga nagatuyo nga maghatag sang dugang nga suporta sa mga local government kag mga residente sa nagkalainlain nga barangay.
