Mga Tricycle driver sa syudad sang Roxas, halos indi na makabakal sang karne sang baboy bangud sa kada semana nga pagsaka sa presyo sang gatong

Nagapangampo ang mga Tricycle driver sa syudad sang Roxas sa kada semana nga pagsaka sa presyo sang gatong.

Sa interview sang Bombo Radyo kay Nene Andrada, isa ka tricycle driver, iya ginpahayag nga bangud sa pagsaka sang presyo sang petrolyo, nagapabudlay ini sa ila nga pagbudget sang ila kita kag halos indi na makabakal sang karne sang baboy.

Suno kay Andrada, apektado man ang ila adlaw-adlaw nga operasyon kag maiwat na ang ila income sa isa ka adlaw.

Nagapanawagan man ini sa gobyerno nga mahatagan sila sang nagakaigo nga bulig sa padayon nga pagsaka sang mga balaklon kag mga produktong petrolyo.