IVISAN CAPIZ – Isa ka motorsiklo ang totally burned matapos masunog sa Barangay Poblacion Sur, Ivisan, Capiz sang Agosto 5, 2025.
Ang tag-iya sang motorsiklo amo si alyas “Gerald”, residente sang Barangay Ondoy sa amo man nga banwa.
Sa impormasyon nga nakuha sang Bombo Radyo sa Ivisan Fire Station, ginpahayag nadiparahan ni Gerald ang pag-init sang bangko sang motorsiklo antes ini gilayon ginlamon sang kalayo.
Suno sa inisyal nga imbestigasyon nga may gin-modify si Gerald sa wiring sang iya motorsiklo, nga ginadudahan nga amo ang posible nga ginhalinan sang sunog.
Gilayon man nga nagresponde ang mga katapo sang Bureau of Fire Protection Ivisan sa lugar, apang indi na naluwas pa ang unit bangud sa kadaku sang kalayo.
Wala naman sang na-record nga nasamaran ukon napatay sa insidente.
Gina-bulubanta naglab-ot sa ₱15,000 ang kabug-osan nga kahalitan sang amo nga sunog.
