-- ADVERTISEMENT --
ROXAS CITY – Arestado ang ginapahayag Most Wanted Person nga lalaki sa Purok Bool, Barangay Talon, Roxas City.
Ginkilala ang nadakpan nga si Nelson Orola, 54-anyos, laborer kag residente sang nasambit nga lugar.
Sa impormasyon nga nakuha sang Bombo Radyo nagikan sa Roxas City PNP, ginapahayag nga ang warrant of arrest ang gin-isyu kag ginpirmahan ni Honorable Eric Anthony A. Dumpilo Presiding Judge, Regional Trial Court, Branch 14, Roxas City kag napetsahan Hulyo 10, 2024.
Wala sang piyansa nga ginrekomendar ang korte para sa temporaryo sini nga kahilwayan kag sa karun yara na ini sa kustodiya sang Roxas City PNP, para sa nagakaigo nga disposisyon.
