POBLACION, Tapaz, Capiz – Nakaangkon sang temporaryo nga kahilwayan ang isa ka most wanted person matapos ang pagserbi sang duha ka warrant of arrest sa Barangay Poblacion Tapaz, Capiz.
Matandaan nga natigayon nga naaresto ini October 06, sa takna sang 11:25 sang gab-i sa bahin bangud sa attempted murder kag attempted homicide nga kaso.
Ang suspek amo si alyas Roger, 57-anyos, balo, mangunguma, Rank 8 most wanted person sa provincial level, Rank 1 sa municipal level kag residente sang Barangay Camburanan, Tapaz, Capiz.
Sa interview sang Bombo Radyo kay Police Major Gregg Anthony V Salbang, Chief of Police sang Tapaz Municipal Police Station, iya ginpahayag nga ang suspek may warrant of arrest sa kaso nga Attempted Murder nga may ginrekomendar nga P120,000 nga piyansa kag Attempted Homicide nga may piyansa naman nga P36,000.
Suno kay Salbang magpakaisa ang suspek kag ang biktima sa kaso nga ginapangatubang sini samtang base naman sa rekord ang una nga warrant gin-isyu sang Regional Trial Court Branch 21 sa Mambusao sang October 5, 2026, samtang ang ikaduha gin-isyu sang Municipal Circuit Trial Court sang Dumalag-Tapaz sang Oktubre 6, 2026.
Dugang pa sa impormasyon gin-detain ang suspek sa Tapaz Municipal Police Station, antes nga natigayon nga makapiyansa ini bangud bailable ang mga kaso nga ginapangatubang sini, rason nga nakaangkon ini sang temporaryo nga kahilwayan.
Sa karon ginapaabot nga magatambong ang suspek sa mga masunod nga hearing sang iya kaso agud masunod ang nagakaigo nga legal nga proseso.
