Siling nila, indi sa tanan nga oras masadya ang isa ka tawo may yara gid sang tion nga makabatyag ikaw sang kasubo kag kun kaisa ikaw mismo wala nakahibalo sang matuod nga rason.
Gani, kung ikaw nagakasubo indi magduha-duha nga magtawag sa The National Center for Mental Health (NCMH) agud mapautwas mu ang imu nabatyagan ilabi na ang mga naka-eksperyensya sang depresyon ukon anxiety.
Ginlunsyar sang National Center for Mental Health (NCMH), ang 24/7 phone services para sa mga Pilipino nga nagakinahanglan sang laygay angut sa nabatyagan nga krisis pag-abot sa ikaayong lawas ilabi na sa mental health.
Mahibaluan suno sa World Health Organization, ginabulubanta yara sa 800,000 nga mga indibidwal ang nagakalamatay kada tuig bangud sa tuman nga kasubo.
Dugang pa sini, target man sang hotline nga padal-an sang mensahe ang mga nagaka-eksperyensya sang problema sa mental health agud mapalab-ot sa mga ini nga “they are not alone and it is okay to not be okay”.
Gani, ikaw ka-Bombo kun ikaw nakabatyag sang kasubo ihambal ina sa imu pamilya ukon mga tawo nga malapit kag ginasaligan mu kung sa diin sarang nga makahatag sa imu sang positive vibes.
