Nagtalang nga pana, nag-igo sa liog sang estudyante

Pilason ang isa ka 15 anyos nga estudyante matapos maigo sang arrow sa nawala nga bahin sang liog sa Salinungan National High School sa San Mateo, Isabela.

Suno kay Municipal Disaster Risk Reduction Management Council sang San Mateo, nagahanas sang archery ang isa pa ka 15 anyos nga atleta sa guwa sang classroom sang wala sini ginalauman nga nagdiretso sa sulod sang classroom ang iya pana kag nag-igo sa Grade 10 student nga babaye.

Gilayon naman nga nagpangayo sang bulig sa mga rescuer ang mga manunudlo kag gindala sa ospital ang biktima.

Ginpaidalom sa operasyon ang dalagita kag yara na subong sa mayo nga kahimtangan.

Sa subong, padayon ang imbestigasyon sang mga otoridad agud mahibaluan ang kabug-osan nga natabo.