May nakita nga probable cause ang National Police Commission (NAPOLCOM) batuk sa 12 ka mga pulis nga gin-akusaran may kahilabtanan sa pagkadula sang mga manugbulang.
Sa 12 ka mga pulis, tatlo diri ang opisyal kag siyam ang non-commissioned officers.
Bangud sini, magapadayon ang administrative case batuk sa mga pulis nga posible mapahalin sa serbisyo.
Base sa report, ginpahayag ni NAPOLCOM Investigation and Monitoring director Edman Pares, nga ang finding ang nasandig sa affidavit sang whistleblower nga si Julie “Dondon” Patidongan.
Matandaan nga sang nagligad nga semana, nag-file sang complaint si Patidongan kag mga pamilya sang manugbulang sa NAPOLCOM.
Samtang, ginpahayag naman ni NAPOLCOM vice chairperson and executive officer Atty. Rafael Calinisan nga may yara sang duha ka grupo nga nagpalapit sa iya kag naghingyo nga i-settle ang kaso sang mga missing nga manugbulang.
Ini ang ginaalegar natabo antes pa man nag-file sang reklamo sanday Patidongan kag mga pamilya.
