Nangin madinalag-on kag natapos nga malinong ang ginhiwat nga nationwide ‘National Rally for Peace’ sang Iglesia ni Cristo (INC) kun sa diin naglab-ot ang numero sini sa 1.8 million nga mga miyembro sang INC ang nagtambong sa Quirino Grandstand.
Ang Quirino Grandstand ang isa sa 13 sites kun sa diin amu man ang main venue sa ginhiwat nga nationwide rally sang INC sa bug-os nga Pilipinas samtang dagsa man ang mga miyembro sini sa mga lugar sang Sports Complex sang Ilagan City, Provincial Capitol sang Palawan, Sawangan Park sa Legazpi City, Freedom Grandstand sa Iloilo City, Capitol Park and Lagoon sa Bacolod City, Ormoc City Plaza sa Leyte, South Road Properties (SRP) Grounds sa Cebu City, Pagadian City Proper sa Zamboanga del Sur, Plaza Divisoria sa Cagayan de Oro City, San Pedro Square sa Davao City kag Butuan Sport Complex sa Agusan del Norte.
Sa pihak nga bahin, nagalaom naman ang Malacañang nga ang ginhiwat nga ‘National rally for peace’ ang magahatag sang kaathagan sa mga isyu nga ginapangatubang sang pungsod.
Ginhatagan naman pagtamod sang mga kauturan sa INC kun ano kabilidhon sang paghiliusa kag kalinungan sa tunga sang kagarot sang pulitika sa Pilipinas.
