Gin-aresto sang mga otoridad ang negosyante nga si Chanda Atienza sa Kuala Lumpur, Malaysia.
Ini ang ginkumpirma sang beauty queen kag influencer nga si Lars Pacheco.
Nahibaluan nga madugay na nga ginapangita sang National Bureau of Investigation (NBI) si Chanda bangud sa investment scam kag paglapas sa Securities Regulation Code.
Siya ang tag-iya sang beauty clinic nga Dermacare kon sa diin pila ka mga aktres ang nangin brand ambassador sini kaangay nanday Rufa Mae Quinto kag Neri Naig.
Sang 2024, gindakop si Neri may kaangtanan sa reklamo sang syndicated estafa apang ginbasura man ang kaso batuk sa iya matapos natukiban nga kulang ang ebidensya.
Samtang boluntaryo naman nga nagsungka si Rufa Mae sa NBI sadtong Enero 2025 kag matapos makapiyansa sang P1.7 million, ginbasura man ang kaso batuk sa iya sadtong Abril.
