ROXAS CITY – Daku ang epekto sang Coronavirus Disease ukon (COVID-19) Pandemic sa mga negosyante sang bulak sa Roxas City Public Plaza.
Sa interview sang Bombo Radyo kay Manang Marlyn nga indi na mabakal ang pagbaligyaanay sang mga bulak subong nga pandemya bangud wala na sang mga okasyon nga nagakahinabo.
Magluwas diri, apektado man sila bangud sa pagdumili sa mga pumuluyo sa pagbisita sa mga patyo sa adlaw sang tigkalalag agud malikawan man ang pagdamo sang nasambitan nga virus.
Suno kay Manang Marlyn nga apisar apektado ang ila negosyo mas importante sa gihapon ang ikaayong lawas sang mga tawo.
Ginpahayag pa sini nga ang iban nga mga ginabaligya nga bulak nga wala nabakal ang nagaluos kag ginasug-an na lamang nila.
Dugang pa sini nga daku gid ang ikinalain subong nga pandemya sa pagbaligyaanay kun ikumparar sang tinalikdan nga tuig.
