ROXAS CITY – Panibag-o na nga isla sang Boracay ang magabukas sa Oktobre 26, husto anum ka bulan makaligad nga ini ang ginpasarado agud ipaidalum sa rehabilitasyon.
Ini ang ginpasalig ni Department of Environment Secretary Roy Cimatu kasunod sang pag-ayo na suno sa iya sang water quality sa isla nga magatatlo ka bulan na sa karun nga ginapaidalum sa rehabilitasyon.
Hatagan man nila sang kahigayunan ang mga establisimento nga maka-comply sa ginapangayo sa ila nga rekisitos agud mapahugotan sila nga makabukas sang negosyo sa pagbukas man sang isla.
Nahibaluan nga isa sadto sa ginakabalak-an ni Cimatu ang tuman ka taas nga fecal coliform level sang tubig sa dagat sa isla bangud sa mga illegal pipelines gikan sa mga establisimento nga nakalubong sa baybayon kag direkta nga ginaagyan sang mahigko nga mga tubig sa baybayon.
