Numero sang mga napatay sa nagluntad nga sunog sa ski resort bar sa Switzerland, nagdangat na sa 40

Naglab-ot na sa 40 ang napatay kag masobra 115 ang napilasan sa sunog sa isa ka ski resort sa Switzerland.

Ginakabig ni President Swiss Confederation Guy Parmelin ang sunog sa Crans-Montana Ski resort nga isa sa pinakamalain nga trahedya nga natabo sa iya pungsod.

Magalawig pa sang pila ka adlaw antes lubos nga matumod ang mga biktima samtang padayon nga naga-ayo sa ospital ang mga pilason.

Ginpasalamatan man ni Parmelin ang mga pungsod nga naghatag sang bulig para sa mga biktima sang sunog.