NUEVA ECIJA – Ginbuno sang makapila ka beses sang bana ang iya nga asawa gamit ang screwdriver sa Barangay Bagong Barrio, Guimba, Nueva Ecija.
Ang biktima amo si Zynnel Joy Pagaling, 34, isa ka Overseas Filipino Worker nga apat ka adlaw pa lang naakabot sa Pilipinas halin sa Riyadh, Saudi Arabia.
Samtang ang suspek naman amo si Manuel Diaz-Mendoza, 40, residente sang Sta. Rosa, Nueva Ecija.
Suno kay Ferly Pagaling, iloy sang biktima, ginaalegar ginba-id pa ni Mendoza ang screwdriver nga gingamit sa pagbuno sa dughan kag sa kilid nga bahin sang lawas ni Zynnel sa atubang mismo sang ila tatlo ka mga kabataan.
Pahayag niya, nagsinggitan pa ang ila mga anak kag nagapakitluoy sa ila amay nga maluoy man sa ila nga iloy.
Indi lang kabuhi ang nadula bangud pati ang kwarta nga dala sang biktima nga nagalab-ot sa P100,000 ang nangin dulaan man.
Dugang pa sang natungdan, pagkatapos sang krimen, nagpahayag ang mga kasilingan nga may lalaki nga nagamotorsiklo ang nakit-an sa balay ni Zynnel kag sang ginkadtoan sang utod, nakit-an sini ang mga nagalapta nga gamit kag nadula man ang wallet sang biktima.
Wala sang ihibalo ang pamilya sang biktima kun ano ang rason sa pagpatay sang bana sa iya nga asawa.
Sa subong, preso na ang bana sa Guimba Municipal Police Station.
