Nagpadulong si Presidente Ferdinand Marcos Jr sa Ormoc City agud magbisita sa RM Tan Solar Pump Irrigation Project sa syudad.
Kaupod sang presidente sa pagbisita si National Irrigation Administration (NIA) Administrator Engr. Eddie Guillen.
Tinutuyo sang P100-million nga proyekto nga patubigan ang 100 ka ektarya sang uma, nga ginalauman nga makabenepisyo sa 92 ka mga mangunguma kag ila pamilya paagi sa pagtugot sa ila nga magtanom makaduha ka beses sa isa ka tuig.
Ang solar-powered irrigation magabulos sa mahal kag indi makahalit sa palibot nga mga bomba sang diesel.
Nahibaluan nga ang RM Tan Solar Pump Irrigation Project kabahin lamang sang 7-Point Strategic Policy Agenda ni Administrator Guillen.
Ini ang ginalauman nga makapasanyog sang renewable energy pareho sang solar power.
Ginalauman nga magatubo ang sektor sang agrikultura sa rehiyon paagi sa makabag-o nga teknolohiya sa irigasyon nga ginasuportahan sang gobyerno.
