CAPIZ – Ibakal sang groceries sang first prize winner ang iya nabaton nga P5,000 nga cash matapos malawagan ang iya pangalan nga tagdaog sa 4th Weekly Draw sang Swerte sa Palengke 2026 sang Bombo Radyo kag Star FM.
Sa interview sang Bombo Radyo kay Myca Nicolas sang Barangay Bangkiling St., Tiza, Roxas City, iya ginpahayag nga mabakal pa gid siya sang dugang nga Gardenia loaf bread nga amo ang iya gingamit nga proof of purchase.
Nagapasalamat ini sa Bombo Radyo kag Star FM, amo man sa mga product sponsors nga nagahatag sang bulig sa mga pumuluyo.
Malipayon naman nga nabaton ni Mary Jane Ballejo sang Barangay Tacas, Pontevedra, Capiz ang P4,000 nga cash bilang second prize winner nga naggamit sang proof of purchase nga Omega Pain Killer.
Gin-agda man sang third prize winner nga si Delia Garcia sang Barangay Matinabas, Sigma, Capiz ang mga tagpalamati kag tumalan-aw nga magpartisipar man sa promo sang Bombo Radyo kag Star FM matapos mabaton ang P3,000 nga cash kag naggamit sang Efficascent Oil bilang proof of purchase.
Ang mga consolation prize winners naman nga nagbaton sang P1,000 nga cash amo sanday;
*Jimmy Lata sang Barangay Maralag, Mambusao, Capiz kag naggamit sang proof of purchase nga San Miguel Pale Pilsen
*Kristel Hernando sang Barangay Lawa-an, Roxas City kag naggamit sang proof of purchase nga San Miguel Pale Pilsen
*Angle Ann Bernardo sang Barangay Lawis Baybay, Roxas City kag naggamit sang proof of purchase nga San Miguel Pale Pilsen
