Ginsuguran na ni Filipino boxing icon Manny Pacquiao ang ensayo para sa iya nagahilapit nga pagbalik sa boxing ring.
Ginpatigayon ang iya training pinaagi sa pagdalagan sa Pan Pacific Park sa Los Angeles.
Suno sa 46-anyos nga anay senador, isa ini ka panibag-o nga bahin sa iya nga kabuhi sa diin inspirado ini kag puno sang motibasyon.
Pahayag pa niya nga preparado ini nga ipakita sa bilog nga kalibutan ang iya abilidad.
Ginahalad niya suno diri ang hampang para sa iya mga boxing fans.
Natalana nga magsambuwa ang eight-division boxing champion batuk kay American boxer nga si Mario Barrios para sa WBC welterweight championship sa palaabuton nga Hulyo 19.
Antes sini magabaton sang pasidungog si Pacquiao sa bulan sang Hunyo matapos nga ma-induct siya sa International Boxing Hall of Fame.
Ang ulihi nga sambuwa ni Pacquiao sadtong 2021 kun sa diin ginlutos siya ni Yodernis Ugas ng Cuba.
Matapos sadto, nag-angkon ini sang pila ka exhibition fight kalakip na ang anom ka round batuk kay DK Yoo sang South Korea sadtong Disyembre 2022.
