ROXAS CITY, CAPIZ – Ginahulat na lang sang probinsya sang Capiz ang approval ni President Ferdinand Marcos Jr. sa pag-establisar sang bag-o nga aquaculture feed mill plant.
Ini kasunod sang pag-apruba sang 19th Congress sa consolidated bills nga maga-establisar sang aquaculture feed mill plant sa banwa sang Panay.
Nag-umpisa ang pagduso sang feed mill pant pinaagi sa House Bill No. 7500 nga gin-author ni outgoing Capiz first district Rep. Emmanuel “Tawi” Billones kag Capiz second district Rep. Jane “Baby Jane” Castro.
Samtang si outgoing Sen. Cynthia Villar naman amo ang principal author sa Senado.
Sa tion nga maaprubahan, may yara sang i-pain nga pondo sa pag-construct sang feed mill plant sa Barangay Bahit.
Nahibaluan nga ang Capiz ang kilala nga “Seafood Capital” sang Pilipinas bangud sa dako nga aquaculture industry.
