Pag-inom sang juice sa aga, ginarekomendar sang dietician

Mahilig ka bala mag-inom sang fresh juice? Masami ka bala nga nagainom sini kada aga?

Siling sang eksperto, mas maayo ini nga imnon kun wala pa sang unod ang imo nga tiyan sa aga.

Suno kay Katherine Zeratsky, isa ka registered dietician, kun wala unod ang imo nga tiyan, mas epektibo ang pag-absorb sang mga vitamins kag nutrients sa imo nga lawas nga halin sa juice.

Para mapataas ang nutritional effectiveness sini, dapat amat-amaton lang ang pag-inom sini kag indi gilayon pag-ubuson bangud magaresulta ini sa bloating.

Kun imnon mo ini sang pila ka beses sa isa ka adlaw, siguraduhon mo nga himuon mo ang at least 20 minutos antes ukon duha ka oras pagkatapos mo magkaon.