Pagbawi sang statement ni Sen. Lacson sa ginaalegar pork insertion sa KAMARA, ginkalipay sang Capiz Solon

ROXAS CITY – Ginkalipay ni Capiz 2nd District Representative ang pagbawi ni Senator Panfilo “Ping” Lacson sa nauna nga pahayag nga may pork insertion sa  2020 proposed national budget.

Sa exclusive interview sang Bombo Radyo kay Congressman Castro, ginpahayag sini nga na-vindicate ang Kamara sa nangin akusasyon ni Lacson, kun sa diin gin-akusaran ang House of Representative nga yara sa likod sang insertion sang national budget.

Nag-apelar naman ang kongresista nga antes magpaguwa sang statement, siguraduhon nga may basehan, bangud madamo ang nagakasakitan sa sala nga pagpati.