ROXAS CITY – Isa ang patay, duha ang pilason kalakip ang menor de edad matapos nagbunggu-anay ang duha ka motorsiklo sa Arnaldo Boulevard, Roxas City.
Nag-angkon sang patal nga pilas sa ulo kag lawas ang napatay nga si Eugene Ric Benliro 34-anyos sang Arnaldo Boulevard, Barangay Baybay, sining syudad matapos nag-apok sa motorsiklo samtang padayon nga ginabulong sa ospital ang 12-anyos nga backrider nga si John Rex Beliro, subongman ang driver sang isa ka motorsiklo nga si John Rico Valderas sang Ivisan, Capiz
Nagaguwa sa imbestigasyon sang Roxas City PNP nga sakay ang mag-amay sa motorsiklo sang mabungguan sila sang motorsiklo nga ginamaneho sang hubog nga suspek.
Bangud sa mabaskog nga impact sang pagkabunggo nagtabog sa karsada ang amay nga si Benliro samtang gindala naman sa ospital ang menor de edad nga anak kalakip ang suspek nga lunsay nag-angkon sang pilas sa magkatuhay nga bahin sang lawas.
