Nagapati si Senate President Vicente “Tito” Sotto III nga ang pagkakas kay Senator Imee Marcos bilang chairperson sang Senate foreign relations committee ang isa sa mga rason nga may yara sang attempt nga island ang liderato sang Senado.
“My deduction is that ang trigger dito is the removal of Senator Imee Marcos from the committee of foreign relations. Isa ‘yun. Kasi ‘di ba nagkakaroon ng mainit na balitaktakan sa floor tungkol sa China at sa mga opisyales natin na nakikipagpalitan ng barbs sa China,” suno kay Sotto.
Matandaan nga gin-athag sang Senado nga ang pag-ilis kay Marcos bilang Foreign Relations chair ang bangud nagkasugot ang majority bloc sa isa ka caucus nga ang major committee ang dapat nga mapungkoan sang myembro sang ila man nga bloc.
Si Senator Erwin Tulfo ang nangin chair sang nasambit nga komitiba.
Antes pa man ang shake-up sa committee chairmanship, 15 ka mga senador ang nagpirma sang draft resolution nga nagapakamalaot sang public statements nga gin-issue sang Chinese Embassy batuk sa Filipino officials sa diin ginlaragway sang mga ini nga “contrary to accepted standards of diplomatic conduct and mutual respect between states.”
Wala si Marcos nagpirma sa resolution, apang nag-file siya sang separado nga nagapanawagan sa tanan nga opisyal sang gobyerno kag empleyado nga i-exercise ang restraint, sobriety kag professionalism sa public communications may kaangtanan sa foreign affairs, kasunod sang baylohanay sang mainit nga tinaga sa tunga sang Pilipinas kag Chinese officials.
