ROXAS CITY- Nangin malinong kag matawhay ang assessment sang mga kapulisan sa pagtakop sang Semana Santa 2024.
Ini ang nangin pahayag ni PCPT. Rile Villaruz Jr. Public Information Officer sang mainterview sang Bombo Radyo Roxas.
Suno sa iya, ini ang tungod man sa pagtimakas kag pagbuligay sang mga otoridad sa pagmonitor sang palibot nga nagresulta man sang generally peaceful kag wala sang nabalhag nga anuman nga insidente.
Dugang pa sini nga, full force ang mga kapulisan kun sa din may gin-deploy sa nagkalain-lain nga lugar, pagpasanyog sang Police visibility kag Police presence sa mga lugar nga madamo sang tawo kaangay sang simbahan, resort, terminals kag mga ginapatigayon sang procession.
Samtang, dako man nga bulig suno sa ila ang kooperasyon sang mga pumuluyo.//
