Ginsabat sang Palasyo sang Malakanyang ang pahayag ni Vice President Sara Duterte nga nagpa-photo op lamang si President Ferdinand “Bongbong” Marcos Jr. sang nagsaksi sa pagsunog sang mga iligal nga droga sa probinsya sang Tarlac.
Ginpahayag ni Palace Press Officer Usec. Claire Castro nga ang amay ni Vice President Duterte nga si anay President Rodrigo Duterte ang naghimo man sang pareho sa pagsaksi ni President Marcos Jr nga pagguba sa mga nakumpiskar nga shabu.
Ginpakita ni Castro sa mga mamahayag ang isa ka report nga nagsaksi ang former President sa pagsunog nsag P7.51 billion nga balor sang droga sa Cavite sadtong 2020.
Nahibaluan nga kahapon, Miyerkules, nasaksihan ni Marcos ang pagsunog sang P9,484,134,038.62 nga balor sang shabu sa Clean Leaf International Corporation sa Capas City, Tarlac.
