Nagnubo sang 13.1% ang palay production sa Western Visayas sa ikaduha nga quarter sang 2026 kun ipaangid sa amo man nga panahon sang nagligad nga tuig, sandig sa data sang Philippine Statistics Authority.
Naka-record ang rehiyon sang 103,936 metric tons nga palay halin Abril tubtob Hunyo 2026, mas manubo kun ipaangid sa 119,579 metric tons sang pareho nga tion sang 2025.
Suno sa PSA, daku ang pagnubo sa produksyon sang rainfed palay nga nagnubo sang 39.6%, samtang nagdugang sang 9.8% ang produksyon sa irrigated farms.
Nagpanguna gihapon ang Iloilo sa palay production sa rehiyon nga may 51.7% sang kabug-usan nga output, nga ginsundan sang Capiz kag Antique.
Samtang nagnubo ang produksyon, nagpabilin nga mas mataas kun ipaangid sa nagligad nga tuig ang average farmgate price sang dry palay sa sulod sang ikaduha nga quarter.
Ini na ang ikaduha nga sunod nga quarter nga nagrehistro sang pagnubo sa palay production sa Western Visayas, sa diin ginakabig nga may daku nga epekto ang kahimtangan sang panahon, ilabi na sa mga talamnan nga nagasalig sa ulan.
