Sa labing una nga tion sa sulod sang 74 ka tuig, ang Palestine magapakigbahin sa Miss Universe pageant, kun sa diin ang Dubai-based model nga si Nadeen Ayoub ang magrepresentar sa ila estado sa Miss Universe 2025.
Ginpahayag ni Ayoub sa iya Instagram sang Agosto 14 nga ginakabig niya nga daku nga responsibilidad ang iya papel bilang tiglawas sang Palestine.
Suno sa iya, tuyo niya nga gamiton ang plataporma agud mapalab-ot ang mga istorya kag tingog sang mga kababainhan kag kabataan sa ila pungsod.
Sa amo man nga tion, ginlunsar niya ang proyekto nga Sayidat Falasteen nga magapadaku sang masami nga wala ginasapak nga mga sugilanon sang mga kababayin-an sa Palestina.
Si Ayoub ang una na nga nagpaindis-indis sa Miss Earth 2022 sa diin ginkoronahan siya bilang Miss Earth – Water. Magluwas sa pageantry, isa siya ka fitness coach kag founder sang Olive Green Academy, isa ka kompanya nga nagatutok sa sustainability kag artificial intelligence.
Ang Miss Universe 2025 hiwaton sa Nobyembre 21 sa Thailand. Samtang ang beterano nga kandidata nga si Ahtisa Manalo ang magatiglawas sa Pilipinas
