Ginpanas ni Ukrainian high jumper Yaroslava Mahuchikh ang isa ka world record nga wala pa sang iban nga nakatublag sa sulod sang 37 ka tuig.
Nahimo ni Mahuchikh ang nasambit nga record sa Diamond League meet sa Paris, ang isa sa mga nagapanguna kag ulihi nga turneyo sang 2024 Olympics.
Ang anay nga record sa high jump nga 2.09 meters ang nairekord ni Stefka Kostadinova sang Bulgaria sadtong 1987 sa Rome Olympics.
Pero sa nangin performance ni Mahuchikh, nalumpat sini ang 2.10 meters (6.88 ft) sa nasambit nga turneyo.
Sa nangin pahayag ni Mahuchikh, ginpahayag nga balon sini sa pagsabak sa liga kag sa nagahilapit nga Olympics ang padayon nga giyera sa tunga sang Ukraine kag Russia.
Dugang pa sini, padayon nga nagabato ang mga atleta paagi sa kun ano ang makaya sang mga ini para sa mga Ukrainian kag mga suldado.
Una na nga nagbalhin sa ila pungsod si Mahuchikh pila ka semana matapos nagsugod ang giyera sa tunga sang Ukraine at Russia. Nagtinir ini sa pila ka mga European countries para sa iya training bag-o magpadulong sa Paris.
