Gin-ako ni Las Piñas City Rep. Cynthia Villar nga ang iya nga asawa nga si Manny Villar ang nagaplano na nga “i-dispose” ukon ibenta ang PrimeWater.
Suno sa iya, indi na daw ini asset kundi liability na sa pamilya, kag ginagamit pa suno sa iya sa pulitika batok sa ila.
Ginsambit pa sini nga indi man sang dako ang income sang PrimeWater, rason nga ginapaminsar na ini nila nga buy-an.
Bilang reaksyon, nagapanawagan si Rep. Mark Anthony Santos sang Las Piñas sa PrimeWater nga boluntaryo nga mag-withdraw nagikan sa mga joint venture agreements (JVAs) sini sa Local Water Utilities Administration (LWUA).
Suno sa iya, madamo sang lugar ang padayon nga naka-eksperyensya sang inconsistent water supply, kag kinahanglan nga ipabilin ang compassion kag accountability.
May panawagan na man para sa congressional review sang mga JVAs sang PrimeWater, labi na kag may masobra 100 nga kasugtanan ini sa mga lokal nga water districts sa bug-os nga pungsod.
