Pangabuhianan para sa mga drivers, luyag mabatian sang Transport group sa SONA ni PBBM

Luyag mabatian sang grupo nga MANIBELA sa ikatatlo nga State of the Nation Address (SONA) ni President Ferdinand Marcos Jr. ang pagpasiguro nga indi madulaan sang pangabuhianan ang mga driver sang mga pampasahero nga salakyan.

Suno kay MANIBELA President Mar Valbuena, luyag nila nga mabatian sa pangulo ang paghatag sang bili sa kaayuhan sang mga drivers.

Isa sa mga gintumod ni Valbuena nga indi dapat pagpabay-an sang gobyerno ang mga drivers nga indi mag-upod sa PUV modernization program sang gobyerno.

Matandaan nga makapila ka beses nga nag-untat sang byahe ang nasambit nga grupo agud ipanawagan nga indi pag-phaseout ang mga traditional jeepney.