Atensyon sa mga motorista!
May panibag-o naman nga pagsaka sa presyo sang gatong sa masunod nga semana.
Ini man ang base sa apat ka adlaw trading nga epekto man sang padayon nga tension sang Israel, United States of America kag Iran.
Yari ang posible nga pagsaka sa presyo sang gatong:
Gasolina – ginabanta may pagsaka sang P12.00 tubtob P16.00 kada litro
Diesel – ginabanta may pagsaka sang P19 tubtob P22 kada litro kag;
Samtang wala pa sang paghulag sa presyo sang kerosene
Suno sa Department of Energy (DOE), possible pa ini nga magsaka sa masunod nga semana.
Nahibaluan nga nagpahayag man si President Ferdinand Marcos Jr., nga iya naman nga ginakonsiderar ang pagbuhin ukon pagsuspende sang excise tax agud mahagan-hagan ang epekto sini sa publiko.
Madumduman nga magahatag man sang fuel subsidies ang gobyerno para sa mga public transport operators, mangunguma kag fisherfolks.
