Panibag-o nga serye sang taas presyo sa produkto sang gatong

Matapos ang tatlo ka semana nga bawas presyo sa produkto sang petrolyo, gin-anunsiyo sang Department of Energy ang pagtaas sang presyo sini sa masunod nga semana.

Base sa ginhiwat nga pagrekord, halin sa P0.65 tubtob P0.90 ang igataas sa kada litro sang gasolina.

Samtang ang diesel kag kerosene naman ang magataas halin P0.95 tubtob P1.10 sa kada litro.

Isa sa mga nakita nga rason amo ang tensiyon nga nagakatabo sa Middle East.

Sa palaabuton pa nga Lunes mabal-an kun pila ang posible nga itaas sang presyo sang gatong, nga masami nga ginapatuman sa kada adlaw sang Martes.