Kakibot sa gihapon ang nabatyagan sang mga basketball fans matapos ang natabo nga pinakadako nga player trades sang Los Angeles Lakers kag Dallas Mavericks.
Ini bangud indi makapati ang Mavs fans nga ila pagabuy-an ang star guard nga si Luka Doncic kabaylo si Lakers big man Anthony Davis.
Bangud sini, ginakabig sang Lakers fans nga kaparehas sang star player nga si LeBron James ang 25-anyos kag five-time-All Star Slovenian player.
Sa bahin naman sang Dallas, ginsiling sang ila general manager nga si Nico Harrison nga ang ila pagkuha kay Davis magapabaskog pa sang ila depensa.
Bangud nagapati ini nga pananglitan magkampeon kinahanglan pa sang hugot nga depensa.
Sa nasambit nga deal makuha man sang Mavs ang guard nga si Max Christie kag ang 2029 first-round draft pick.
Samtang, ang Lakers makuha si Maxi Kleber kag Markieff Morris samtang ang Utah Jazz nga yara sa ika-tatlo nga koponan kung sa diin kabahin man sang deal makuha si Jalen Hood-Schifino.
Mangin ang bilog nga Lakers team, nakibot sa trade kung sa diin ginsiling ni James nga wala siya sang idea nga mangin matuod ini.
Target sang Lakers nga makuha si Philadelphia 76ers veteran wing Caleb Martin antes matapos ang trade deal sa NBA sa Pebrero 6.
Ang 29-anyos nga si Martin may yara sang 9.1 points, 4.4 rebounds, 2.2 assists nga average kada hampang.
