CAPIZ – Ginakabig sang Department of Environment and Natural Resources (DENR) Capiz nga manggaranon ang probinsya sa marine biodiversity kasunod sang pawikan nga na-rescue sa Barangay Talon, Roxas City.
Sa interview sang Bombo Radyo kay DENR Capiz Provincial Environment and Natural Resources Officer Dr. Ernest Federiso, iya ginpahayag nga sang damlag lang, may yara sang pawikan nga na-trap sa lambat kag sa assessment nga ginhimo sang talatapan, nakumpirma nga yara sa maayo ang kondisyon sang marine animal kag safe nga ginbalik sa iya natural habitat.
Suno kay Federiso, nagapabilin ang Capiz nga isa sa mga probinsya kun sa diin ang mga pawikan ang mahimo pa makit-an bangud sa healthy nga kadagatan kag marine ecosystems.
Apang ginpahayag sini nga padayon sa gihapon nagapangatubang sang pagpamahog ang mga endangered animals ilabi na gikan sa plastic pollution kag improper waste disposal.
Gina-engganyo sang natungdan ang publiko, ilabi na ang mga manugpangisda kag mga residente sang coastal communities nga padayon nga i-report ang mga stranded, pilason ukon na-trap nga mga pawikan sa Philippine Coast Guard, Maritime Police, Municipal Environment and Natural Resources Office ukon sa DENR-PENRO Capiz agud ma-assess kag ma-rescue sang trained personnel ang mga kasapatan.
