Magahinala subong nga adlaw sanday Pangulong Ferdinand Marcos Jr., kag Executive Secretary Lucas Bersamin kung sa diin magakomparar sang notes ang duha.
Ini ang ginsiling ni Presidential Communications Secretary Cesar Chavez.
Suno kay Chavez pagahinalaan nanday PBBM kag ES Bersamin ang mangin agenda para sa labing unanga full cabinet meeting para sa tuig 2025.
Wala naman gintuad ni Sec. Chavez kung san-o ang amu nga meetig kag anu ang mga isyu nga ila paga-istoryahan.
Subong nga adlaw yara lamang sa sulod sang Palasyo sang Malakanyang si Pangulong Marcos.
Magluwas sa pagpakighinala sini kaupod si ES Bersamin magapatigayon man ini sang mga private meetings.
Wala naman nagpaguha sang iskedyul ang palasyo may kaangtanan sa mga mangin aktibidad sang Pangulong Marcos buwas kag sa masunod pa nga adlaw.
Samtang, ginganyat naman sang Presidente ang mga Pilipino nga mangin reflective kag growth focused mindset subong nga 2025.
