Nagasalig si Presidente Ferdinand Marcos Jr. nga magataas pa gid ang produksyon sang agrikultura sa pungsod sa tion nga matapos na ang Lower Agno River Irrigation System (LARIS) Paitan Dam.
Ang dam gindesinyo agud magamit ang mga manggad sang tubig sang Agno River, nga isa sa pinakadaku nga suba sa Pilipinas.
Ini ang pahayag sang Presidente kadungan sang groundbreaking ceremony sang proyekto sa Santa Maria, Pangasinan.
Nagpanagtag man ang presidente sang farming machinery, Solar Powered Irrigation Projects, kag iban pa nga farm inputs sa mga mangunguma sa lugar.
Paathag ni Marcos Jr. nga kabahin ini sang padayon nga pagtinguha sang gobyerno nga mapasanyog ang produksyon sang agrikultura sa Pilipinas.
Sa tion nga matapos ang proyekto, makabenepisyo ini sa mga uma sa Pangasinan, Tarlac, kag Nueva Ecija. Base sa datos, ang DAR, NIA, kag DA nakapanghatag na sang masobra P370 milyones nga bulig sa mga pinili nga benepisyaryo sang programa
