Nagdeklarar sang mga holiday si Pangulong Ferdinand Marcos Jr. sa pila ka mga lugar sa pungsod subong nga bulan sang Enero.
Base sa Proclamation No. 768, gindeklarar ang Enero 20 bilang Special (Non-working) Day sa Lipa sa Batangas agud hatagan sang pagtamod ang pagselebrar sang Coffee Festival.
Suno sa Malakanyang, sa kasubong sini nga pamaagi mahatagan sang oportunidad ang mga residente agud makigbahin kag ma-enjoy ang nasambit nga okasyon.
Sa Proclamation No. 769, deklarado bilang Special (Non-working) Day ang Enero 23 sa probinsya sang Bulacan para sa anibersaryo sang inagurasyon sang First Philippine Republic nga natabo sa Barasoain Church sa Malolos.
Samtang, sa Proclamation No. 770, gindeklarar bilang Special (Non-working) Day ang Enero 31 sa Lian, Batangas para sa selebrasyon sang Liberation Day.
