Magapatuman sang heightened alert status ang Philippine Coast Guard (PCG)umpisaOktubre 30 tubtob Nobyembre 4bilang preparasyon sa pagdaguso sang mga biyahero sa adlaw sang kalag-kalag.
Base sa mandu ni Presidente Ferdinand R. Marcos Jr., ginmanduan ang PCG nga siguruhon ang seguridad sang publiko sa panahon sang Undas.
Ginpahayag ni PCG Commandant Admiral Ronnie Gil Gavan nga ginmanduan na niya ang tanan nga distrito, istasyon, kag sub-station sang PCG nga hugton ang pagbantay kag maghatag sang bulig sa mga pantalan kag alagyan sang tubig sa bilog nga pungsod.
Igapatigayon man ang hugot nga inspeksyon sa mga sakayan-pandagat kag bagahe sa bulig sang Coast Guard K9 units. Magluwas sini, magapahamtan man sang mga rescuers kag lifeguards sa mga kilala nga beach kag island resorts agud nga masiguro ang safety sang mga turista.
Nagapakig-koordinar man ang PCG sa Department of Transportation (DOTr),Philippine Ports Authority (PPA), kag Maritime Industry Authority (MARINA) para sa pag-manage sang mga DOTr Malasakit Help Desk.
Nagpahanumdom naman ang PCG sa publiko nga mangin mahalungon, magsunod sa mga patakaran sa safety, kag makigkooperar sa mga awtoridad agud masiguro ang kaluwasan sang byahe subong nga Undas.
