Peligro sang Nipah virus, manubo kag wala sang senyales nga maglapta suno sa World Health Organization

Ginpasalig sang World Health Organization nga manubo ang peligro sang paglapta sang Nipah virus.

Ini matapos nga wala sang may nag-test positive sa masobra 190 ka mga contacts sang duha ka mga tawo nga infected sang nasambit nga virus sa India.

Lakip sa mga naghugot sang screening check sa airport amo ang Hong Kong, Malaysia, Singapore, Thailand kag  Vietnam agud malikawan ang paglapta sang Nipah virus.

Mahimo nga magresulta sa hilanat kag brain inflammation ang virus nga dala sang fruit bats kag iban pa nga sapat kaangay sang baboy.

May yara ini sang fatality rate nga 40% tubtob 75% kag wala sang bulong.

Ang bakuna ang padayon pa nga ginadevelop kag gina-test.