Natukiban sang pila ka mga taga-Maynila nga may nagabaton pa sa gihapon sa pension sang mga himata nila nga madugay na nga napatay matapos nila makita nga may pirma ang mga pangalan sini sa listahan.
Nagalibog ang ulo sang himata sang nagtaliwan nga si Santos Conde, 84 anyos, residente sang isa ka barangay sa Santa Ana, nga may naga-claim sang Social Pension nga P500 kada bulan halin sa local government sang Manila.
Magluwas kay Santos, may nagakuha man sa pension sang bayaw sini nga si Efren De La ROsa, nga apat ka tuig na nga patay.
Nakita sang utod ni Efren nga nagkuha sang kaugalingin nga pension, nga yara sa listahan pa ang iya utod.
Bangud sini, nagdangop sila sa Office for the Senior Citizens Affairs (OSCA) sang Manila LGU.
Tubtob nga Nakita nila nga may mga nakapirma sa pangalan nanday Efren kag Santos para sa payout sang Enero 2026 tubtob sang Marso 2026.
Indi naman magnubo sa 10 senior citizens sa nasambit nga barangay ang patay na pero yara sa listahan kag may nagakuha man sang ila pension.
Nagdangop man sa police station ang pamilya sang tagreklamo agud magpasaka sang kaso.
Suno sa pulis, posible nga magapangatubang sang sampaw-sampaw nga kaso ang mga involved sa iligal nga aktibidad. lakip na ang malversation of public funds, falsification of public documents, kag estafa.
