Pagatalakayon na sang Land Transportation Franchising and Regulatory Board (LTFRB), ang petisyon sang transport sector nga pagtaas sa minimum jeepney fare tubtob P15.00.
Suno kay LTFRB Technical Division Head Joel Bolanos, ang nasambit nga petisyon una na nga nakabilin sumugod pa sadtong 2023 kung sa diin naghatag lang ang Board sang provisional increase.
Sa nasambit nga tion, napabilin pa nga mataas ang presyo sang fuel kag ang ginahinyo nga P17.00 nga pamasahe.
Matandaan nga sadtong Oktobre 2023, ang minimum fare para sa traditional jeepney yara sa P13.00 samtang P15.00 naman ang minimum fare para sa modern jeepney.
Suno sa LTFRB, naiintindihan sini ang mga pagtilaw nga ginapangatubang sang transport sector kag ang kinahanglanon nga balansehon ang fare increase kag ang impact sini sa mga commuters.
Una na nga ginsiling sang board sadtong Enero-21, 2025 nga ginrepaso na sini ang fare hike proposal.
Samtang, ginsiguro sang ahensya nga padayon ini nga magpatigayon sang public hearings kag mga konsultasyon agud masiguro ang transprency kag inclusivity sa pagdesisyon para sa fare hike.
