Aminado si Philippine Football Federation (PFF) director for national teams Freddy Gonzalez nga naatubang ini sa dako nga pagtilaw sa pagtingub sang Philippine squad nga magahampang sa Mitsubishi Electric Cup sa masunod nga semana.
Magapasakop ang Philippine men’s national football team (PMNFT) sa ASEAN Championship sa mga masunod nga semana.
Maka-atubang nila ang Myanmar sa Disyembre 12, Laos naman sa Disyembre 15, Vietnam sa Disyembre 18 kag ang Indonesia naman sa Disyembre 21 sa group stage.
Ginpahayag ni Gonzales nga makabig nga isa ka milagro kun matingub sini gilayon ang grupo bangud ilaong pa nila ang mga ini sa ila nga mga mother’s club.
Sumugod pa sadtong nakaligad nga semana ini na ang pagtilaw nga ila gina-atubang kun paano himuan sang tikang nga mapun-an ang pila ka mga bakante nga puwesto para sa mga players nga indi pagpasugtan sang mga mothers club.
