Wala sang usikan nga oras ang Philippine Men’s Football team para makahanas na sa paghampang nila sa semifinals sang 2024 ASEAN Championship Mitsubishi Electric Cup.
Maga-atubang sila sang Thailand sa nasambit nga semifinals sa Biyernes, nga pagahiwaton sa Rizal Memorial Stadium sa syudad sang Manila.
Nagsulod sa semifinals ang Pilipinas matapos ginlutos ang Indonesia sa score nga 1-0 sang nagligad nga adlaw.
Sa ila mga nagligad nga hampang sa Myanmar kag Laos, natapos ini sa 1-1 nga draw.
Ginpahayag ni midfielder nga si Alex Monis nga wala sila nahadlok nga atubangon ang Thailand sa diin ila pagapreparahan ang nasambit nga team kag suno sa iya indi sila mag-uyang sang anuman nga hampang.
Humalin sadto, wala na nagdaog ang Pilipinas batok sa Thailand sang nag-atubangay sila sadtong 1971 kag 1972.
