Nag-appoint sang bag-o nga commanding officers ang Philippine Fleet (PF) para sa duha ka barko sang Philippine Navy nga amo ang BRP Ramon Alcaraz (PS16) kag BRP Andres Bonifacio (PS17).
Ginpatigayon ang change of command ceremony sa Naval Operating Base-Subic sa probinsya sang Zambales.
Si Kapitan Philip Plaza ang magaserbe bilang bag-o nga kumander sang Ramon Alcaraz, nga magabulos kay Kumander Johanns Cruzada, samtang si Kumander Kim Jon Ccoba ang mangin commanding officer ni Andres Bonifacio, nga magabulos kay Kapitan Renante Del Prado.
Ginkilala sang Philippine Navy ang madinalag-on nga pagdumala ni Cdr. Del Prado kag Cdr. Cruzada sa duha ka barko, lakip na ang paghatag sang command-at-sea plaques sa duha ka navy officials.
Ang duha ka barko ang Del pilar-class patrol vessels kag ginagamit sa pagpatrolya sa kadagatan sang pungsod, ilabi na sa West Philippine Sea.
Ang duha ginagamit man sa search and rescue operations sa pungsod kag gina-deploy agud magsabat sa distress calls kag magbulig sa mga barko nga may problema samtang yara sa dagat.
