-- ADVERTISEMENT --
Nagalaum ang Philippine Olympic Committee (POC) nga mapabilin ukon malapawan sang pungsod ang ikalima nga puwesto sini sa tinalikdan nga 2023 SEA Games sa Cambodia.
Suno kay POC President Abraham “Bambol” Tolentino, isa ka pagpanghangkat sa mga atleta ang pagbag-o sa sports program sang host country Thailand, kun sa diin ginkakas ang pila ka mga medal-rich events kaangay sang mga weight category sa martial arts.
Sa pihak sini, magapadala ang Pilipinas sang masobra 1,600 ka mga atleta para sa 33rd SEA Games sa Disyembre.
