Nag-file sang asunto ang anay program manager sang Phoenix Suns nga si Andrea Trischan bangud sa diskriminasyon nga ginahimo sa iya sang grupo.
Si Trishchan ang anay nagserbe bilang program manager of diversity, equity and inclusion sang nasambit nga grupo.
Nagahinyo ini siya sang $60 million nga kabayaran bangud sa diskriminasyon, harassment, kag mga pagpanghikay nga gin-abot sini sang nagatrabaho sa Suns.
Suno sa iya, naka-eksperyensya ini sang mga racist comment halin sa mga kaupdanan sa Suns kag masami man suno diri nga ginasinggitan sang mga ini, ilabi na ang mga mas mataas sa iya.
Ikapila nga bes na man sini nga gin-report ang isyu sa Human Resource Department kag sa mga Suns executive apang wala suno diri sang ginhimo ang mga ini agud masabtan ang iya mga reklamo.
Una na nga na-hire si Trischan sang Setyembre 19, 2022. Isa sa iya nga pinakauna nga trabaho amo ang pagasabton ang mga isyu kag problema nga ginapangatubang sang mga empleyado kag mga players sang grupo.
Tayuyon naman ini nga ginkakas sang Hulyo 2023 matapos ini nga maglatag sang performance improvement plan para sa mga empleyado kun tani sang grupo.
