Indi tanan nga mga miyembro sang Supreme Court of the Philippines nga gin-appoint sang anay Presidente nga si Rodrigo Duterte ang nagboto pabor sa pagbasura sang pangabay ni Senator Ronald dela Rosa nga mapunggan ang pagpatuman sang arrest order sang International Criminal Court batuk sa iya.
Base sa ginpagwa nga resolusyon sang Korte Suprema, lima ka Duterte appointees ang nagboto pabor sa paghatag sang temporary restraining order ukon TRO kay Dela Rosa.
Lakip diri sanday Ramon Paul Hernando, Amy Lazaro-Javier, Henri Jean Paul Inting, Ricardo Rosario kag Antonio Kho Jr..
Samtang, ang siyam ka mahistrado nga nagboto pabor sa pagbasura sang hingyo ni Dela Rosa nga mga Duterte appointees amu sanday Alexander Gesmundo, Rodil Zalameda, Samuel Gaerlan, Jhosep Lopez, Jose Midas Marquez kag Maria Filomena Singh.
Sanday Marvic Leonen kag Benjamin Caguioa naman ang mga appointees sang napatay nga anay Presidente nga si Benigno Aquino III, samtang si Raul Villanueva naman ang appointee ni Ferdinand Marcos Jr..
Si Japar Dimaampao lang nga Duterte appointee ang naka-leave sang ginpasaka ni Dela Rosa ang mosyon.
Bangud sa pagbasura sang TRO, ginmandu-an sang Department of Justice ang Philippine National Police kag National Bureau of Investigation nga ipatuman ang arrest warrant sang ICC batuk kay Dela Rosa.
Sa subong, wala pa nadakpan ukon nagsurender si Dela Rosa.
